Unitat d’Aran ostentarà era presidéncia tresau dera Deputacion de Lleida
20/06/2023
Aguest maitin Maria Vergés, Secretària Generau d’Unitat d’Aran, a signat amassa damb es representants dera rèsta de fòrces politiques que conformen er acòrd de govèrn en aguesta institucion (ERC, PSC e PL) eth document que balhe forma ad aguest acòrd
Aguest maitin a auut lòc ena Deputacion de Lleida er acte de signatura der acòrd de govèrn en aguesta institucion per part de ERC, PSC, PL e UA. Aguest acòrd, que siguec anonciat era passada setmana, a estat frut dera negociacion e pacte entre aguestes fòrces politiques, e qu’a com objectiu era governabilitat ena Deputacion coma institucion de vitau importància tath territòri.
Maria Vergés, Secretària Generau d’UA, a afirmat que “aguest acòrd ei un exèmple de coma se pòt gestionar era diversitat en benefici dera ciutadania, en tot tier en compde qu’era Deputacion exercís ua labor essenciau de supòrt e acompanhament as municipis”. En aguest sens, Vergés tanben a volut manifestar qu’aguest acòrd inclodís era creacion d’un espaci de relacion bilaterau dera Val d’Aran e era Deputacion en qué se tracten aqueri ahèrs d’interès tath nòste territòri, e higie que “damb aguest acòrd Unitat d’Aran refèrme era sua volontat d’èster present en totes es administracions e institucions possibles entà velhar pes interèssi d’Aran e era sua ciutadania”.
Maria Vergés, Secretària Generau d’UA, a afirmat que “aguest acòrd ei un exèmple de coma se pòt gestionar era diversitat en benefici dera ciutadania, en tot tier en compde qu’era Deputacion exercís ua labor essenciau de supòrt e acompanhament as municipis”. En aguest sens, Vergés tanben a volut manifestar qu’aguest acòrd inclodís era creacion d’un espaci de relacion bilaterau dera Val d’Aran e era Deputacion en qué se tracten aqueri ahèrs d’interès tath nòste territòri, e higie que “damb aguest acòrd Unitat d’Aran refèrme era sua volontat d’èster present en totes es administracions e institucions possibles entà velhar pes interèssi d’Aran e era sua ciutadania”.
Pendent es pròplèus dies era Comission Executiva d’UA designarà ath sòn o ara sua representant en aguesta institucion.
HÒNT: UNITAT D'ARAN
HÒNT: UNITAT D'ARAN
Manu Moga