Unitat d’Aran ena Deputacion de Lleida artenh un aument de recorsi entara Val d’Aran
27/12/2023
En darrèr plen deth mès de noveme dera Deputacion de Lleida, era institucion provinciau aprovèc eth pressupòst tà 2024 qu’inclodís ua major dotacion entà Aran respècte d’ans anteriors. Eth pressupòst de 2024 dera Deputacion de Lleida aumentarà en 65.000€ eth convèni marc qu’a damb eth Conselh Generau d’Aran
Eth passat 27 de noveme eth plen dera Deputacion de Lleida aprovaue es sòns pressupòsti tà 2024, uns compdes que, gràcies ara negociacion d’Unitat d’Aran, que forme part deth govèrn d’aguesta institucion en tot aucupar-ne era vicepresidéncia tresau, aumenten es sòns recorsi autant entà inversions ena Val d’Aran coma per çò que hè ath Convèni Marc que manten damb eth Conselh Generau d’Aran, en tot aumentar-lo en aguest cas en 65.000€ mès qu’er an anterior.
Juan Antonio Serrano, vicepresident 3au dera Deputacion e baile de Vielha e Mijaran, manifestaue que “era rason de qu’Unitat d’Aran sigue present enes institucions, autant araneses, coma provinciaus e estataus, ei precisament entà qu’eth nòste territòri melhore e auance” e higie “aguest pressupòst dera Deputacion de Lleida ei un prumèr pas entà qu’es inversions enes municipis aranesi seguisquen aumentant ath long d’aguesta legislatura”.
Pendent es darrèri 8 ans, Unitat d’Aran a estat present ena Deputacion de Lleida, en tot arténher projèctes e inversions de grana importància entà Aran, coma son era aportacion tath nau quiròfan der Espitau Val d’Aran (460.000€) o era dotacion de 100.000€ entath Palai de Gèu de Vielha que tà 2024 se veirà aumentada en un 20%.
Pendent es darrèri 8 ans, Unitat d’Aran a estat present ena Deputacion de Lleida, en tot arténher projèctes e inversions de grana importància entà Aran, coma son era aportacion tath nau quiròfan der Espitau Val d’Aran (460.000€) o era dotacion de 100.000€ entath Palai de Gèu de Vielha que tà 2024 se veirà aumentada en un 20%.
En aguest sens, Serrano tanben explicaue que “trabalham tanben tà qu’era Deputacion de Lleida s’implique en mantenement e melhora de diuèrses vies e carretères des nòsti pòbles qu’an de besonh actuacions urgentes e fòrça costoses tà que les poguen assomir es Ajuntaments de manèra exclusiva”.
Atau madeish, en aguesta linha de supòrt as Ajuntaments, eth 18 de deseme era Deputacion anoncièc qu’es ajudes de cooperacion passaràn a èster transferéncies, çò qu’agilizarà en mès d’un an es tràmits, e que tant Ajuntaments coma EMD poiràn obtier, en tot recéber es sòs eth prumèr quatrimèstre deth 2024.
HÒNT: UNITAT D'ARAN
HÒNT: UNITAT D'ARAN
Manu Moga