Un herit leugèr en un accident de parapent en Vielha
08/05/2017
SOCIETAT
Vielha
Pendent era tarde d'aué, ath torn des 18:00 ores, un parapentista a collisionat còntra un des fanaus dera Avenguda Baile Calbetó Barra de Vielha. Enquiath lòc der accident s'an desplaçat es Mòssos d'Esquadra e ua ambulància que s'a portat ara victima ar Espitau de Vielha.
Er òme, de qui peth moment se'n desconeish era identitat, se sentie un shinhau atordit e damb mau d'esquia, segontes afirmaue un Mòsso, mès ath torn des 20:00, dempús d'un parelh d'ores en espitau, a on l'an sotmetut a ràdiografies, dejà estauen a punt de dar-li er alta.
Desconeishem encara quin a estat eth motiu qu'a pogut causar aguest incident que, per sòrt, a quedat sonque en un espavordiment.
IMATGE: ROGER MARTORELL
Er òme, de qui peth moment se'n desconeish era identitat, se sentie un shinhau atordit e damb mau d'esquia, segontes afirmaue un Mòsso, mès ath torn des 20:00, dempús d'un parelh d'ores en espitau, a on l'an sotmetut a ràdiografies, dejà estauen a punt de dar-li er alta.
Desconeishem encara quin a estat eth motiu qu'a pogut causar aguest incident que, per sòrt, a quedat sonque en un espavordiment.
IMATGE: ROGER MARTORELL
Clara Villar