Un aranés morís en tot hèr parapent ena comarca dera Noguera

Pòques menutes dempús de meddia s'a produsit er accident mortau ena comarca dera Noguera. Segontes a informat eth SEM, en tot practicar parapent, er aranés David Nart, de 45 ans, a morit pòqui instants dempús d'auer-se enlairat en Còth d'Ares. Enquiath lòc der accident s'i an desplaçat un elicoptèr e ua ambulància deth SEM, qu'an trapat ar òme a uns cinquanta mètres deth Còth d'Ares, e maugrat qu'an sajat de practicar-li maniòbres de reanimacion, non an podut hèr arren per sauvar-li era vida.