Ues 50 persones anèren ager ara projeccion solidària dera sala Era Audiovisuau

Ager pera net auec lòc ena sala Era Audiovisuau de Vielha, era projeccion solidària deth film “Nacido en Siria”, de Hernán Zin. Er acte, organizat per Ribagòrça Accion Solidària, en collaboracion damb er Ajuntament de Vielha e Mijaran, cercaue remassar sòs entà enviar-les, posteriorament, as camps de refugiats en Grècia.

Era pellicula narraue, en estil documentau, era experiéncia de diferents mainatges e mainades neishuts en Siria i qu’aueren de deishar casa sua a causa dera guèrra.

Mès de 50 persones anèren a aguest eveniment, mostrant eth sòn interès pera trista situacion pera quau passen aguestes persones e es sues ganes d’ajudar en ua des catastròfes umanitàries mès grèus des dera Dusau Guèrra Mondiau.