Ua naua mòrt per coronavirus e 11 naui casi confirmadi en Aran
16/04/2020
Era Val d'Aran a enregistrat enes passades 24 ores ua naua mòrt per COVID-19 e onze naui casi.
Aguest aument se deu a que s’an de contabilizar tanben aqueri casi enes que s’a realizat eth test serologic e an dat un resultat positiu, ei a díder, es casi qu’an passat dejà era malautia e an creat anticòssi.
Per tant, en aguesti moments en Aran i a dus casi positius mès confirmadi a trauès dera pròva PCR (era que s’a hèt enquia ara, en tot seguir eth protocòl deth Departament de Salut dera Generalitat e que s’analize en laboratòri der Hospital Arnau de Vilanova), que detècte s’ua persona ei infectada o non, e nau casi confirmadi a trauès deth test serologic (per tant, nau casi qu’an patit ja era malautia e an creat anticòssi).
Atau donc, damb aguesta informacion, son un totau de 97 casi confirmadi: 88 a trauès dera pròva PCR e 9 a trauès deth test serologic (inmunitat).
Cau lamentar tanben era mòrt per COVID-19 d’ua persona de 88 ans usatgèra dera Residéncia Sant Antòni e que se trapaue ingressada en Espitau Val d’Aran.
HÒNT: CONSELH GENERAU D'ARAN
Aguest aument se deu a que s’an de contabilizar tanben aqueri casi enes que s’a realizat eth test serologic e an dat un resultat positiu, ei a díder, es casi qu’an passat dejà era malautia e an creat anticòssi.
Per tant, en aguesti moments en Aran i a dus casi positius mès confirmadi a trauès dera pròva PCR (era que s’a hèt enquia ara, en tot seguir eth protocòl deth Departament de Salut dera Generalitat e que s’analize en laboratòri der Hospital Arnau de Vilanova), que detècte s’ua persona ei infectada o non, e nau casi confirmadi a trauès deth test serologic (per tant, nau casi qu’an patit ja era malautia e an creat anticòssi).
Atau donc, damb aguesta informacion, son un totau de 97 casi confirmadi: 88 a trauès dera pròva PCR e 9 a trauès deth test serologic (inmunitat).
Cau lamentar tanben era mòrt per COVID-19 d’ua persona de 88 ans usatgèra dera Residéncia Sant Antòni e que se trapaue ingressada en Espitau Val d’Aran.
HÒNT: CONSELH GENERAU D'ARAN
Laura Rodríguez