UA mòstre era sua satisfaccion damb era declaracion institucionau deth Conselh
02/11/2017
POLÍTICA
Vielha
Unitat d'Aran a hèt publica era sua satisfaccion deuant era declaracion institucionau aprovada aguest maitin en plen extraordinari deth Conselh, ena redaccion dera quau eth partit "a participat e s'a implicat fòrça", segontes un comunicat oficiau.
Eth partit a hijut ua esmena ath tèxte de declaracion conjunta entà “instar ath Sindic d’Aran e as grups politics que conformen eth Plen deth Conselh Generau d’Arana hèr totes aqueres gestions deuant des Institucions catalanes, atau coma ena Comission Territoriau deth Congrès des Deputats, tà cercar un reconeishement constitucionau que permete naues hites tath nòste estatut singular d’autogovèrn”.
Segontes aguest comunicat deth partit, eth conselhèr portavotz d'UA, Francés Boya, a senhalat qu'es representants dera maximala institucion aranesa auien de complir damb un déuer istoric, "es nòstes institucions son ereues d’ua tradicion politica que, ath long des sègles, s’a caracterizat pera defensa des interèssi des aranesi e deth sòn autogovèrn e institucions”.
"Aran a de poder superar eth marc d’administracion locau e arténher atau naues hites en desvolupament der autogovèrn aranés” senhale Boya, que hig: “aguesta declaracion ei tanben un reconeishement institucionau ath trabalh amiat a tèrme pera Generalitat de Catalunya respècte d’Aran”.
Eth comunicat d'UA finalize en tot "rebrembar tanben eth reconeishement d’Aran qu’eth Senat espanhòl amièc a tèrme en 2013 e que siguec possible gràcies ath trabalh der alavetz senador e secretari Generau d’UA, Francés Boya".
IMATGE: CONSELH GENERAU D'ARAN
Eth partit a hijut ua esmena ath tèxte de declaracion conjunta entà “instar ath Sindic d’Aran e as grups politics que conformen eth Plen deth Conselh Generau d’Arana hèr totes aqueres gestions deuant des Institucions catalanes, atau coma ena Comission Territoriau deth Congrès des Deputats, tà cercar un reconeishement constitucionau que permete naues hites tath nòste estatut singular d’autogovèrn”.
Segontes aguest comunicat deth partit, eth conselhèr portavotz d'UA, Francés Boya, a senhalat qu'es representants dera maximala institucion aranesa auien de complir damb un déuer istoric, "es nòstes institucions son ereues d’ua tradicion politica que, ath long des sègles, s’a caracterizat pera defensa des interèssi des aranesi e deth sòn autogovèrn e institucions”.
"Aran a de poder superar eth marc d’administracion locau e arténher atau naues hites en desvolupament der autogovèrn aranés” senhale Boya, que hig: “aguesta declaracion ei tanben un reconeishement institucionau ath trabalh amiat a tèrme pera Generalitat de Catalunya respècte d’Aran”.
Eth comunicat d'UA finalize en tot "rebrembar tanben eth reconeishement d’Aran qu’eth Senat espanhòl amièc a tèrme en 2013 e que siguec possible gràcies ath trabalh der alavetz senador e secretari Generau d’UA, Francés Boya".
IMATGE: CONSELH GENERAU D'ARAN
Clara Villar