Ua mainada d'11 mesi morís atropelhada en Arties
29/08/2024
SOCIETAT
Arties
Tragic succès eth qu'a patit eth pòble d'Arties aguest diuendres, dempús de coneisher-se era mòrt d'una mendre de sonque 11 mesi atropelhada per un coche. Tàs 10.30 ores, era sala de contròl d’Aran a recebut un avís mejançant eth telefòn 112 a on s’informaue d’ua emergéncia a on i auie ua mendre implicada.
Enquiar endret s’i an desplaçat 5 pompièrs en dus veïculs d’ Emergéncies dera Val d’Aran amassa damb ua equipa deth SEM, 1 mètge e 1 infirmièra der Espitau Val d’Aran e un elicoptèr.
Eth personau sanitari a determinat que patie ua emorràgia e an constatat qu’entraue en arturada cardiaca, s’a verificat qu’es lesions que presentaue èren incompatibles damb era vida.
Eth Conselh Generau d’Aran e eth còs de Pompièrs d’Aran e era equipa de Aran Salut hèn arribar es sues condolences ara familha e amics. Des der Ajuntament de Naut Aran tanben s’a lamentat era pèrta dera menor e a aufrit es sues condolences.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga