UA demane ath Conselh milhores enes oraris des autobusi Barcelona/Lhèida-Val d'Aran

Unitat d’Aran a demanat ath Conselh Generau d’Aran ua modificacion enes oraris des autobusi que corbissen era linha de Barcelona o Lhèida ara Val d’Aran pr’amor que, actuauments, es usatgèrs d’aguest servici an de demorar ath torn de mieja ora en Vielha dempús d’arribar des d’era sua destinacion entà poder anar a bèth pòble deth Baish o Naut Aran.

Aguesta demana dejà siguec presentada per Unitat d’Aran en darrèr Plen deth Conselh e, ath delà, s’includien tanben ues autes peticions coma era milhora des marquesines a on paren es coches de linha e era revision des relòtges que mèrquen es arribades des autobusi, pr’amor qu’en quauques des parades non foncionen corrèctaments.