Tot prèst entara Setmana Santa en Bossòst

Eth pòble de Bossòst dejà ei prèst, un an mès, entara sua tradicionau celebracion de Setmana Santa. Des deth 9 enquiath 16 d’abriu auran lòc es disparières processons de Pasca, un eveniment fòrça especiau entà tota era Val d’Aran, ja que Bossòst ei er unic pòble deth territòri que les conserve.

Uns dies fòrça demorats pes lèu 200 vesins e vesies de Bossòst que participen enes processons atau coma per toti aqueri que gaudissen vedent era celebracion d’un acte centenari e plen de sentiment coma era setmana santa.