Tot prèst entà celebrar era Val d'Aran by UTMB aguesta dimenjada

Era organizacion de Val d'Aran by UTMB® a trabalhat en ua pròva segura en tot crear ua seria de protocòus Covid entà garantir qu'era realizacion dera pròva sigue damb era maximala seguretat possibla.

Era prumèra deth Grop UTMB® que se celèbre en 2021, e dempús de Chamonix, era prumèra pròva dera familha UTMB® que se realizarà en Euròpa.

Era prumèra edicion dera Val d'Aran by UTMB® compdarà damb lèu 4.000 participaires de 75 nacionalitats.

Pròves:

- Torn dera Val d'Aran: 162 km damb un desnivèu positiu de 10.700 m que recorren es desparièrs elements que configuren eth camin: aire, huec, tèrra e aigua. Era gessuda d'aguesta pròva ei diuendres 9 de junhsèga tàs 18:00 en Vielha, e compde damb era participacion de corredors de renom coma Jordi Gamito, pòdium en UTMB.

- Camins d'hèr: 105 km damb dues zònes fòrça diferenciades: Ua, a on eth passat e era duretat dera montanha cruben protagonisme, e era auta, a on era aigua pren eth relèu en tot presentar-se jos desparières formes de lacs, escarcanhades e arrius. Era gessuda serà a prumèra ora deth maitin (07:30) deth diuendres dia 9 de junhsèga en Les.

- Peades d'aigua: Un recorregut de 55 km que trauèsse un des trams mès impressionanti d'aguestes rotes, Colomèrs, eth circ de lacs glacièrs mès gran des Pirenèus. Era gessuda aurà lòc dissabte 10 de junhsèga tàs 06:30 deth maitin en Pla de Beret. 

- Sky Baqueira-Beret: 15 kms, damb gessuda en Pla de Beret tàs 09:30 deth dissabte 10 de junhsèga, era Sky recor era val de Parros enquiath Cap de Clòsos (2.418m) entà aufrir ua des melhores vistes dera Val d'Aran. 


HÒNT: VAL D'ARAN BY UTMB