Tornen es 30 ores de fotbòl sala Vila de Vielha damb succès de participaires
18/06/2023
Dempús de 3 ans sense poder-se celebrar, enguan i an participat 16 equips dera Val d'Aran e arribadi de tota Catalonha
Er equip lheidatan de MAQ OCASION ei eth guanhador dera 13au edicion deth Tornèig 30 ores de Fotbòl Sala Vila de Vielha, en tot guanhar per 6 a 0 as tarragonins de Free Palestina, ena grana finau celebrada aguest dimenge en Palai d'Espòrts de Vielha.
Aguesta competicion esportiua ei un des classics de Vielha e Mijaran. Dempús de 3 ans sense auer-se podut celebrar pera COVID-19, enguan a tornat damb fòrça, en tot auer-i un totau de 16 equips: 7 aranesi e 9 arribadi de totes es províncies de Catalonha.
Felicitats ara organizacion per recuperar un eveniment qu'arrosigue a fòrça gent pendent tota era dimenjada, e as participaires per mantier viu er esperit d'aguesta competicion, damb qualitat e "fair play".
Relacion premiadi:
- 1èr Classificat 30 ores: MAQ-OCASION
- 2au Classificat 30 ores: FREEPALESTINA
- Milhor Jogador: Morad (MAQ-OCASION)
- Màxim Golejador: Morad (MAQ-OCASION)
- Milhora portera: Lucía Manero
- Prèmi Tonet Cavero "Fair Play": Organizacion 30 ores Fotbòl Sala Vila de Vielha
- 1èr Classificat Objetivo 30 horas: Sanglièrs d'Aran
- 2au Classificat Objetivo 30 horas: Churumbeles FC
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga