Tecnics deth Centre de Lauegi d'Aran participen en jornades sus seguretat en Barcelona e Tolosa

D'un costat, participèren coma convidadi en ua masterclass de seguretat en activitats d'esquí e montanha organizada per Atomic e Barrabés Barcelona, ena que participèren tanben eth freerider Aymar Navarro e era corredora d'esquí de montanha Mireia Miró, e a on es nòsti nivològs Ivan Moner e Montse Bacardit aufriren ua charrada sus concèptes imprescindibles de Condicions, Terren e Grop entà premanir era activitat, pendent era activitat e en tot acabar era activitat. 

Atau madeish, en Toulouse, eth nivològ deth Centre de Lauegi Jordi Gavaldà, participèc ena “Journnée Sécurité Neige et Avalanches” organizada per ANENA, FFCAM Occitanie e MétéoFrance. Era sala deth Centre Internacionau de Congrèssi s’ampliguec damb lèu 300 persones premanides entà ua jornada fòrça practica e profitosa. 

HÒNT: CONSELH GENERAU D'ARAN