Talhèr entà debàter coma a d'èster eth futur Carnet Jove
Era Agència Catalana de la Joventut a programat aguesta jornada as joeni d'entre 12 e 30 ans dera província de Lhèida
Es joeni inscrits en talhèr, que seràn dinamizatdi per un tecnic de participacion, seràn separadi en quate taules per grops d’edat (12-16, 17-21, 22-25 i 26-30) e debateràn ath tor d’ues 40 preguntes sorgides dera prumèra e era dusau fasa dera accion participatiua que Joventut comencèc en deseme passat entà debàter e bastir, collectivaments, eth futur deth Carnet Jove. En aguestes dues fases prèvies i an hèt part un totau de 8.919 joeni de Catalonha, qu'an debatut ath tor d'ahèrs coma eth tipe de servici qu'aufrís eth carnet ath territòri, es avantatges en transpòrt públic o era informacion juvenila qu'eth carnet hè arribar as sòns titulars.
Aguest talhèr hè part dera tresau fasa dera accion participatiua deth nau Carnet Jove, un procès d’apoderament que Joventut preve acabar en ostiu, damb era arrmassada de totes es conclusions e era generacion d’accions concrètes. Aguesta accion s’enquadre laguens des actuacions peth nau impuls sociau deth carnet.
IMATGE: Generalitat de Catalunya
