S'inicie eth periòde de preinscripcions entath cors escolar 2017-18
22/03/2017
Deth 23 de març ath 4 d'abriu se poderàn demanar es preinscripcions entara Educacion Infantila, Primària e Secundària
SOCIETAT
Eth Departament d'Ensenyament dera Generalitat de Catalonha dejà a hèt oficiau eth periòde de preinscripcions entath cors escolar 2017-18.A compdar deth 23 de març se pòden demanar es sollicituds entàs alumnes dera educacion obligatòria (2au cicle Educacion Infantila, Primaria e Secundària). Aguest periòde serà dubèrt enquiath pròplèu 4 d'abriu. Ath delà, toti aqueri alumnes que volguen inscriuer-se en ensenhaments professionaus de musica e dança, auràn de termini enquiath 7 d'abriu.
Dejà en mes de mai i aurà era dubertura de preinscripcions en desparièrs nivèus educatius. Per un costat, deth 2 ath 12 de mai, se poiràn hèr es sollicituds des escòles mairaus. Deth 15 ath 24 de mai se daurirà eth termini entà bachilierat, es cicles de grau miei de formacion professionau e d'arts plastiques e dessenh. Deth 15 ath 26 de mai serà era escasença entàs programes de formacion e d'insercion. Deth 16 ath 29 de mai, entàs ensenhaments esportius.
Dempús eth calendari contunharà damb era educacion d'adults, deth 19 ath 29 de junh, e fin finau deth 3 ath 7 de junhsèga de daurirà eth termini entath cors especific tà accedir as cicles de grau miei e entath preparatòri entàs graus superiors.
Era ràtio serà de 25 alumnes en P3. Segontes donades oficiaus, en an 2014 i auec 4033 naishements mès qu'en 2013, e per aguest motiu, ena escòla Garona de Vielha i aurà mès grops.
En çò que tanh ara ràtio dera ESO, enguan serà de 30 alumnes en 1èr cors.
IMATGE: CEIP GARONA
Dejà en mes de mai i aurà era dubertura de preinscripcions en desparièrs nivèus educatius. Per un costat, deth 2 ath 12 de mai, se poiràn hèr es sollicituds des escòles mairaus. Deth 15 ath 24 de mai se daurirà eth termini entà bachilierat, es cicles de grau miei de formacion professionau e d'arts plastiques e dessenh. Deth 15 ath 26 de mai serà era escasença entàs programes de formacion e d'insercion. Deth 16 ath 29 de mai, entàs ensenhaments esportius.
Dempús eth calendari contunharà damb era educacion d'adults, deth 19 ath 29 de junh, e fin finau deth 3 ath 7 de junhsèga de daurirà eth termini entath cors especific tà accedir as cicles de grau miei e entath preparatòri entàs graus superiors.
Era ràtio serà de 25 alumnes en P3. Segontes donades oficiaus, en an 2014 i auec 4033 naishements mès qu'en 2013, e per aguest motiu, ena escòla Garona de Vielha i aurà mès grops.
En çò que tanh ara ràtio dera ESO, enguan serà de 30 alumnes en 1èr cors.
IMATGE: CEIP GARONA
Manu Moga