Sessions de prevencion des drògues en Institut d'Aran
29/04/2022
Aguest dimars e dimèrcles, er alumnat de 4au. d’ESO e de 1èr. de bachelierat der Institut d'Aran an participat enes sessions de prevencion deth consum de drògues. Aguestes sessions de conscienciacion e informacion s'an impartit deth punt d'enguarda ençà de persones qu'an patit addicion as drògues. Enes quaus, er alumnat a pogut conéisher de prumèra man coma a mercat era vida d'aguestes persones era sua condicion d'adictes ad aguestes substàncies nocives en toti es aspèctes dera sua vida.
Tanben s’an realizat sessions as familhes entà refortilhar era prevencion deth consum de drògues, en tot assessorar de quini aspèctes e/o situacions cau auer en compde tà evitar qu'es menors s'i tornen adictes, autan coma, hèr a conéisher es recorsi disponibles coma supòrt tà educar en un entorn qu'aluenhe ara joenessa d'aguestes addiccions. Mès a mès, se realizèc ua auta session entà ensenhar as familhes airines d'acompanhament as sòns hilhs e hilhes ena salut emocionau e mentau.
HÒNT: CONSELH GENERAU D'ARAN
Manu Moga