Seguiment dera situacion dempús der esbauçament de Valarties

Er Ajuntament deth Naut Aran vò intervier coma mediador entre eth Conselh generau d’Aran e es proprietaris d’ua finca que no dèishen passar es machines entà contunhar damb es trabalhs de contencion der hanga e tèrra en barranc de Valarties.

Er esbauçament, qu’auec lòc eth passat 11 de mai ena Ribèra de Valarties, a estat provocant ua fòrta turbelhada enes aigües deth Garona pendent mesi. Damb er objectiu d’arturar er esbauçament d’hanga e auti materiaus, es òbres de contencion s’auien iniciat damb urgéncia. Mès, damb era negatiua des proprietaris d’ua des finques pròplèus ath barranc, es trabalhs s’aueren d’arturar.

Per auta banda, çò que quede ara pendent ei era inspeccion der interior des tunèus en barranc de Valarties, entà ajudar a depurar es responsabilitats der esbauçament.

Era celeritat, autant entà trapar responsables coma entà contunhar damb es trabalhs de contencion de tèrra e hanga en barranc, ei ara clau.