Se vò netejar er arriu Garona damb volentaris

Es residus supausen un gran damatge entara natura e entara imatge des entorns de quinsevolh territòri. Entà poder capvirar aguesta situacion se prepausen idèes enes que i poguen participar es vesins coma era d’aguest dissabte entàs 11:00 deth maitin a on Paradores de España, Ecoembes e er Ajuntament de Vielha e Mijaran an organizat ua trobada en parcatge des antigues casèrnes militares tà remassar dèishes que se poguen trobar en lhèt der arriu garona autant coma deth sòn afluent, eth nere.

Era accion pòrte dejà 3 ans en foncionament damb ua bona responsa vesiau.

Entà participar non i cau arren mès que ganes d’ajudar a remassar en aguesta accion pr’amor tot eth materiau de besonh entà poder recuélher es residus l’aufrís era pròpria organizacion.