Se vò favorir era preséncia de naues explotacions ramaderes en Aran
En un projècte qu'an participat diuèrsi des ajuntaments dera Val d'Aran
Eth Conselh Generau d’Aran impulse era modificacion des Nòrmes Subsidiàries (NNSS) de Planejament dera Val d’Aran relatives ara regulacion der usatge e bastiments admissibles en solèr non urbanizable.
Era modificacion se trape en periòde de tramitacion en organisme ambientau qu’ara ei ena fasa d’evaluacion e qu’afectarà ara major part des municipis dera Val d’Aran. Un viatge s’age aguest tramit s’aurà d’aprovar en Conselh e enviar entara Comission d’Urbanisme d’Aran.
Ei en aguest sens qu’es naues NNSS permeteràn facilitar as ramadèrs era practica des sues activitats e amendrir-ne es sues limitacions, en aquerò que tanh a superfícia e a aspècte, qu’es nòrmes actuaus impòsen as edificacions de mens dimension
En aguest sens, enes naues nòrmes se prevé er emplaçament de petites casetes regulades que servisquen entar emmagazematge d’utisi tà uarts, garières o refugis tà un nombre redusit de caps de bestiar, coma oelhes o crabes.
En aguesta modificacion i an participat es ajuntaments deCanejan, Les, Bossòst, Es Bòrdes, Vilamòs e Vielha e Mijaran. Dus ajuntaments coma son eth de Arres a eth sòn pròpri POUM e Bausen que non hèc era demana.
