Se suspen era Shasclada deth Haro de Les prevista entath 8 de mai
06/05/2021
A conseqüéncia der estat d'alarma vigent, des der Ajuntament de Les an considerat avient non celebrar era hèsta
Er Ajuntament de Les a decidit suspéner era celebracion dera Shasclada deth Haro prevista iniciaument entà d'aguest pròplèu dissabte 8 de mai.
Er estat d'alarma en quau mos trapam actuaument a provocat qu'eth consistòri age decidit que non ère eth moment avient entara sua celebracion.
En çò que tanh ath conjunt des actes restacadi ath torn des hèstes deth huec, eth baile de Les, Andreu Cortés, manifèste que "er equip de govèrn trabalhe entà valorar era viabilitat de celebrar enguan es hèstes deth huec d'ua manèra contenguda, en tot priorizar era seguretat sanitària e des espacis. En foncion dera evolucion des donades dera pandémia e des mesures restrictives que siguen vigentes mès endeuant, preneram es decisions definitiues. Era intencion ei mantier toti es actes tipics d'aguest tipe de hèsta, mès auram de demorar encara".
Er estat d'alarma en quau mos trapam actuaument a provocat qu'eth consistòri age decidit que non ère eth moment avient entara sua celebracion.
En çò que tanh ath conjunt des actes restacadi ath torn des hèstes deth huec, eth baile de Les, Andreu Cortés, manifèste que "er equip de govèrn trabalhe entà valorar era viabilitat de celebrar enguan es hèstes deth huec d'ua manèra contenguda, en tot priorizar era seguretat sanitària e des espacis. En foncion dera evolucion des donades dera pandémia e des mesures restrictives que siguen vigentes mès endeuant, preneram es decisions definitiues. Era intencion ei mantier toti es actes tipics d'aguest tipe de hèsta, mès auram de demorar encara".
Manu Moga