Se revire eth Quishòt dera Mancha ar aranés
En un trabalh elaborat per Antoni Nogués e supervisat e corregit per Institut d'Estudis Aranesi-Acadèmia Aranesa dera Lengua Occitana dera man de Jusèp Loís Sans
S’a editat eth Quishòt en aranés. Era òbra qu’ei ua des mès revirades deth mon, dejà aurà era sua pròpria edicion ena nòsta lengua gràcies ara iniciativa d’Antòni Nogués, qu’ei er encuedat de revirar era gran màger part dera literatura istorica, amassa damb era correccion e revision de Jusèp Loís Sans, membre der Institut d’Estudis Aranesi-Acadèmia Aranesa dera Lengua Occitana.
Precisaments, ei era pròpria Acadèmia era que seguís damb aguest prètzhèt de poder amiar endauant totes es revirades possibles des granes òbres qu’an mercat un abans e un dempús ena literatura universau.
Aguest hèt, permet ar aranés, auer mès riquesa en airau culturau.
Eth Quishòt ei dejà en format fisic ena sedença dera Acadèmia, mès es persones qu’atau ac desiren pòden veir e liéger era version on-line de forma totauments gratuïta ena pagina web der Institut d’Estudis Aranesi.
