Se repren era activitat dera Escòla de Pairs e Mairs dera Escòla Mairau "Era Cunhèra"
02/06/2022
Gran exit d'acuelhuda deth cors de prumèrs auxilis e reanimacion cardio-paumonar (RCP) qu'a auut lòc aguesta tarde ena Bibliotèca Generau de Vielha. Ei era prumèra activitat dera Escòla de Pairs e Mairs qu'a premanit er Ajuntament de Vielha e Mijaran dempús de dus ans de pandémia.
HÒNT: AJUNTAMENT VIELHA E MIJARAN
Ua part deth cors ère dirigit a ensenhar e formar as pairs e mairs en matéria de prumèrs auxilis e era RCP a practicar ara mainadèra e, ua auta part, a mostrar desparièrs mecanismes que se poderàn emplegar entà guarir es herides que poguen aparéisher en cas de patir bèth tipe d’accident o en tot sagnar.
Ath delà, se lis a aufrit desparières lectures entà que poguen ampliar es coneishements sus prumèrs auxilis ara mainadèra enes prumèrs ans de vida.
HÒNT: AJUNTAMENT VIELHA E MIJARAN
Manu Moga