Se hestège eth Dia Internacionau des Musèus en Aran

Coma cada an se hestège eth 18 de mai eth dia internacionau des Musèus en tot eth mon de forma collectiua e non podie èster d’ua auta forma qu’era Val d’Aran tanben i pren part enes activitats que s’amien ath torn dera taula.

Ei de destacar qu’enguan aguesta particular hestivitat complís 40 ans, que son exactament es madeishi damb es que compde eth Musèu dera Val d’Aran pr’amor que s’estreèc en an 1984.

Totun, es activitats tà començar a commemorar aguesta jornada dejà s’an auançat damb ua visita entara Mòla de Salardú a on s’a mostrat eth procès des deth moment en que se semie eth gran, enquia que se remasse eth cereau o se procèsse enquiath punt que se convertís en pan.

Ath delà, pendent aguesta tarde tanben s’an explicat istòries qu’abans non se condauen enes visites en Musèu dera Val d’Aran perqué non i auie tanta investigacion coma ara.

Er Ecomusèu Çò de Joanchiquet, eth musèu dera nhèu e musèu dera Val d’Aran auràn era entrada gratuïta pendent eth dia internacionau des musèus