Se demane gravar es plens der Ajuntament de Vielha e Mijaran
En ua mocion deth grop d'Aran Amassa que s'a aprovat per unanimitat. Aguesta accion dejà se hè en d'auti emplaçaments coma er Ajuntament de Naut Aran o eth Conselh Generau d'Aran.
Eth Plen der Ajuntament de Vielha e Mijaran a aprovat pero unanimitat era mocion deth grop d’Aran Amassa entà installar un sistèma audiovisuau que pogue gravar es diuèrsi plens que se vagen a hèr en consistòri.
Aguesta demana d’Aran Amassa cèrque potenciar era transparéncia en ajuntament, un hèt qu’afirmen, non succedís pr’amor que s’apròven un gran numerò d’ahèrs que dempús non gessen endauant e se desbremben en temps perqué non son registradi.
Era equipa de govèrn d’Unitat d’Aran concrète que ve damb boni uelhs era prepausa e qu’an de veir damb eth departament juridic er encaish que pòt auer laguens d’aguestes sessions pr’amor que poderie generar conflictes damb era Lei de Proteccion de Donades.
Aguestes gravacions des plens siguec un ahèr qu’inicièc er Ajuntament de Naut Aran hè dejà mès de 3 ans, e qu’eth Conselh Generau d’Aran comencèc a aplicar tanben en 2024.
