Se constituís era comission territoriau deth Naut Pirenèu e Aran dera Taula Nacionau dera Aigua

Era sedença deth Conselh Comarcau deth Palhars Sobeiran a acuelhut era constitucion dera comission territoriau deth Naut Pirenèu e Aran dera Taula Nacionau dera Aigua. Era amassada a estat dirigida peth delegat territoriau deth Govèrn ena vegueria, Josep Castells Farré, e a compdat damb era participacion d'ua vintea de representants d'administracions publiques e der empresariat.

Pendent era session, s'an identificat rèptes especifics entara gestion dera aigua en Naut Pirenèu e Aran e s'an apuntat bères linhes d'accion qu'apoiridien hèr possibla un mendre consum d'aigua e ua optimitzacion der usatge des recorsi idriqui. Eth delegat territoriau deth Govèrn en Naut Pirenèu e Aran a iniciat era sua intervencion en tot insistir que "viuem era sequèra mès grèu des de que i a registres, tant pera sua durada coma pera sua intensitat e pera superfícia afectada". En aguest sens, a soslinhat que, s'era situacion ena vegueria non semble tan grèu coma era rèsta deth país, cau auer plan presents "era manca de precipitacions, es ostius damb risc d'incendi anautit, es hònts que s'an secat e eth nivèu des paluns, que dèishen ath descorbit granes zònes shutes". "Eth volum d'aigua embassada as paluns dera vegueria non arribe ne ara mitat dera sua capacitat", arrebrembat Castells. En aguest sens, Castells a explicat que "des deth Govèrn se trabalhe damb mesures preventives que mos permeten gerir dera melhora manèra possibles situacions mès grèus".


HÒNT: GENCAT.CAT