Salardú non poirà celebrar Santa Creu, mès cree alternatives de léser

Ne trobada de Creus, ne missa ena glèisa de Sant Andrèu ne cap d’activitat que requerisque contacte. 

Salardú, eth cap-lòc deth Naut Aran, viuerà enguan era celebracion mès estranha dera sua Hèsta Major, Santa Creu, qu’auie de començar tot just aguesta dimenjada. 

Er estat d’alarma en que mos trapam a causa dera grèu pandèmia deth Coronavirus, impossibilite aguesta hestivitat de Santa Creu.

D’aguesta forma, es creus de Salardú, Gessa, Arties, Garòs, Bagergue, Tredòs, Unha, Baqueira e Montgarri non realizaràn era tradicionau processon enquiara glèisa de Sant Andrèu de Salardú. 

Totun, er Ajuntament de Naut Aran non renóncie a ua alternativa de celebracion dera Hesta Major de Santa Creu: eth consistòri a premanit tot un seguit de concorsi entà hèr mès portadèr eth confinament. 

Per exemple, entath dimenge tres de mai s’a programat un concors de decoracion de balcons e un aute de diboish.