Salardú acuelh er hestivau Pyrenades enquiath dia 20 d'abriu

Eth pòble de Salardú acuelh pendent aguesti dies er hestivau Pyrenades, qu’enguan celèbre era sua 9au edicion. Des deth passat dia 14 e enquiath pròplèu 20 d’abriu se celebraràn en municipi de Naut Aran un ampli ventalh d’activitats.

Ath delà, enguan coma nauetat s’a presentat era prumèra edicion der hestivau musicau A Boca de Net, damb actuacions gratuites de grops de musica occitana.

Er èish centrau der hestivau Pyrenades a estat, des dera sua fondacion en an 2011, eth movement deth pirineisme.

Pendent era presentacion d’aguest acte, s’hèc tanben un anonci plan estonant e ei que, dempús de quate decades, eth Refugi Ròsta cerque relèu entara sua gestion.

Pyrenades ei un hestivau que vire en torn ath pirineisme e qu’ei restacat damb era cultura, er òci, er espòrt e eth suenh ara natura e que contunharà aufrint activitats entà toti enquiath pròplèu 20 d’abriu.