Ruben Caseny supère eth tramit deth prològ deth Tour d'Eslovàquia

Eth cicliste aranés, Ruben Caseny, dejà a començat er asua participacion en Tour d'Eslovàquia.Pendent eth prològ de 3 kms disputat aguest dimèrcles dia 7 de junh, Caseny, simplaments se dediquèc a passar eth tramit e començar a arténher sensacions de cara ara rèsta d'estapes. Caseny finalizèc eth 141au, a lèu 1 menuta e 10 segons deth guanhador e prumèr líder, er esloven, Jan Tratnik."Aguesta prumèra estapa sonque ère entà obtier sensacions e veir s'eth mèn còs ei prèst entà contunhar pendent totes es estapes. De totes formes, damb era prumèra estapa longa, ei a on veirè eth veritable estat de forma qu'è ara madeish", comentaue Caseny. 

Aué se dispute era 1èra estapa deth Tour d'Eslovàquia, de 211,8 kms, damb un totau de 7 pòrts de montanha entre es localitats de Levoca e Banská Bystrica. Ua estapa longa e tanplan exigenta que supausarà ua pròva importanta entà saber es opcions qu'a Ruben Casent ena aguesta competicion.