Ruben Caseny participarà eth 25 de junh enes Campionats d'Espanha de rota

Eth cicliste aranés, Ruben Caseny, participarà aguest pròplèu dimenge 25 de junh enes Campionats d'Espanha de rota que se celèbren ena ciutat de Sòria. Caseny i participarà damb era sua equipa Massi-Kuwait Cycling Project, acompanhat per Marc Vilanova, Óscar Cabanas e Julio Pintado. Es dus darrèri, convidadi pera Federacion Andorrana.

Eth circuit ei format per un totau de 207 quilomètres a on era equipa Movistar d'Alejandro Valverde e eth Caja Rural, son es grani favorits ara victòria. Caseny aurà era escasença de córrer ath cant de grani ciclistes coma Mikel Landa, Mate, Verona, Izaguirre, Mancebo.