Ruben Caseny comence aué era sua participacion en Tour d'Eslovàquia
07/06/2017
Eth cicliste aranés vò veir coma se recupère dera darrèra queiguda
ESPORTS
A compdar d'aué, Ruben Caseny, inicie era sua participacion en Tour d'Eslovàquia. Ua pròva UCI 2.1 que finalize eth pròplèu 11 de junh. Aguesta corsa ciclista se compause de 5 estapes, en tot començar aué damb un prològ de 3,7 kms ena localitat de Levoca. Ua prumèra estapa entà començar a establir era taula de classificacion dera pròva. Caseny arribe damb er objectiu de "trapar es sensacions avientes dempús dera quiguda que patí en Portugal".
Era 1èra estapa aurà 211,8 kms entre es localitats de Levoca e Banská Bystrica. Era 2au estapa, de 172 kms, se harà entre Banská Bystrica e Nitra. Era 3au estapa, de 222,1 kms (era mès longa), se disputarà entre Nitra e Trnava. E, fin finau, era 4au e darrèra estapa, de 152,5 kms, aurà coma lòc de gessuda e arribada en Trnava.
Era equipa Massi-Kuwait Cycling Project, compdarà damb Ruben Caseny, Kevin Sepulveda, Marc Vilanova, Mehdi Tigrine, Christian Mencia e Johnatan Sarmiento.Er objectiu globau dera equipa ei "èster çò de mès endeuant possible e arténher mès nivèu, pr'amor qu'encara èm ath principi deth nòste calendari".
Era 1èra estapa aurà 211,8 kms entre es localitats de Levoca e Banská Bystrica. Era 2au estapa, de 172 kms, se harà entre Banská Bystrica e Nitra. Era 3au estapa, de 222,1 kms (era mès longa), se disputarà entre Nitra e Trnava. E, fin finau, era 4au e darrèra estapa, de 152,5 kms, aurà coma lòc de gessuda e arribada en Trnava.
Era equipa Massi-Kuwait Cycling Project, compdarà damb Ruben Caseny, Kevin Sepulveda, Marc Vilanova, Mehdi Tigrine, Christian Mencia e Johnatan Sarmiento.Er objectiu globau dera equipa ei "èster çò de mès endeuant possible e arténher mès nivèu, pr'amor qu'encara èm ath principi deth nòste calendari".
Manu Moga