Ruben Caseny comence aué a disputar era 2au Vòlta Ciclista Cova da Beira en Portugal

Era equipa Massi-Kuwait Cycling Project, deth quau hè part er aranés, Ruben Caseny, inicie aué era sua participacion ena 2au Vòlta Ciclista Cova Da Beira, en Portugal. Aguesta competicion ei catalogada coma ua pròva dera UCI 2.1, e ei conformada per un totau de 3 estapes. Aué diuendres 2 de junh, era 1èra estapa cònste de 199 kms, deman dia 3, era 2au estapa aurà 192 kms e dimenge dia 4 finalizarà era pròva damb era 3au estapa de 165 kms.

En aguesta competicion, Caseny serà acompanhat ena equipa per Marc Vilanova, Mehdi Tigrine, Christian Mencia, Johnatan Sarmiento e Kevin Sepulveda. Aguesta 1èra estapa s'inicie entàs 11:15 (12:15 ora dera Val d'Aran). A nivèu espanhòu, era corsa compde damb era participacion dera equipa Caja Rural.


IMATGE: Dorsau de Ruben Caseny ena corsa