Ruben Caseny abandone ena Vòlta Còva da Beira e dejà premanís era Vòlta a Eslovàquia

Eth ciclista aranés, Ruben Caseny, non podec finalizar era sua participacion ena 2au Vòlta Ciclista Còva da Beira de Portugal. Dempús dera queigdua que patic ena prumèra estapa, Caseny contunhèc era sua participacion ena dusau estapa, mès damb era equipa decidiren non préner part dera gessuda dera tresau e darrèra estapa d'aguesta competicion. En paraules deth pròpri Caseny "parlè damb era direccion dera equipa, e d'acòrd decidirem non gésser ena darrèra estapa en tot premanir es següentes competicions". Aguesta pròplèu competicion dera quau parlaue eth cicliste, ei era Vòlta a Eslovàquia qu'a lòc pendent aguesta setmana. En totau, 5 estapes que se disputaràn entre eth 7 e er 11 de junh. Ua pròva ciclista que se trape qualificada coma UCI 2.1, e qu'era equipa Massi-Kuwait Cycling Project afronte damb illusion.


IMATGE: Ruben Caseny