Reünion preparatòria dera Comission Bilaterau entre eth Conselh e era Generalitat
28/04/2017
POLÍTICA
Pendent eth dia d'ager, dijaus 27 d'abriu, auec lòc era reünion preparatòria dera Comission Bilaterau entre eth Conselh Generau d’Aran e eth Govèrn dera Generalitat de Catalonha, que s'a de convocar enes pròplèus mesi.
En aguesta amassada, ena que i sigueren presents eth Sindic e eth Vicesindic Prumèr deth Conselh, Carlos Barrera e Luis Carlos Medina, eth Secretari d'Administracions Locaus, Joaquim Ferrer e eth secretari dera representacion aranesa ena Comission Bilaterau, Enrique Pérez, se tractèren temes fòrça importants tara Val d'Aran coma era ampliacion des servicis der Espitau dera Val d’Aran o er increment de places de Residéncia Geriatrica.
Se parlèc tanben deth traspàs de competéncies entara gestion dera fauna sauvatja d'Aran, que corresponerie ath Departament d'Agricultura, Ramaderia e Miei Naturau deth Conselh Generau d’Aran, dera gestion de zònes naturaus e dera zòna periferica deth Parc Nacionau d'Aigüestòrtes e Estany de Sant Maurici e d'estudiar possibles formules entà iniciar eth projècte des Federacions Esportiues Araneses.
En aguesta amassada se tractèc d'auançar sus era negociacion relativa ar acòrd de Finançament deth Conselh Generau d’Aran entad aguest an 2017 e era revision deth modèl de finançament e des diuèrsi convènis establidi entre era Generalitat de Catalonha e eth madeish Conselh Generau d’Aran.
IMATGE: CONSELH GENERAU D'ARAN
En aguesta amassada, ena que i sigueren presents eth Sindic e eth Vicesindic Prumèr deth Conselh, Carlos Barrera e Luis Carlos Medina, eth Secretari d'Administracions Locaus, Joaquim Ferrer e eth secretari dera representacion aranesa ena Comission Bilaterau, Enrique Pérez, se tractèren temes fòrça importants tara Val d'Aran coma era ampliacion des servicis der Espitau dera Val d’Aran o er increment de places de Residéncia Geriatrica.
Se parlèc tanben deth traspàs de competéncies entara gestion dera fauna sauvatja d'Aran, que corresponerie ath Departament d'Agricultura, Ramaderia e Miei Naturau deth Conselh Generau d’Aran, dera gestion de zònes naturaus e dera zòna periferica deth Parc Nacionau d'Aigüestòrtes e Estany de Sant Maurici e d'estudiar possibles formules entà iniciar eth projècte des Federacions Esportiues Araneses.
En aguesta amassada se tractèc d'auançar sus era negociacion relativa ar acòrd de Finançament deth Conselh Generau d’Aran entad aguest an 2017 e era revision deth modèl de finançament e des diuèrsi convènis establidi entre era Generalitat de Catalonha e eth madeish Conselh Generau d’Aran.
IMATGE: CONSELH GENERAU D'ARAN
Clara Villar