Renauit eth convèni entre eth Conselh Generau e es Associacions Ramadères d’Aran

Eth Conselh Generau a renauit eth convèni que manten damb eth sector ramadèr dera Val d’Aran. Er objectiu, ajudar a finançar còsti coma es servicis veterinaris, corsi de formacion o assisténcia a hèires ramadères.

D’aguesta forma, era agropacion deth sector deth bovin, era associacion shivau pirenenc dera Val d'Aran e era associacion de defensa sanitària, arreceberàn 15.000 èuros cadua.

Cada an se presentaràn es despenes d’aguestes associacions e se liquidaràn en marc dera subvencion.

Un convèni que contribuís a incentivar era activitat ramadèra en país, ja qu'ajude a sufragar còsti importants entath sector.

Aguest convèni, qu’aurà ua longada de 4 ans, agranís es encastres de justificacion des sòs dera subvencion. Per exemple, ahigerà es còsti pròpis dera gestion des associacions.