Remassada de materiaus entàs refugiats de Lesbos en Vielha

Des der Ajuntament de Vielha e Mijarans’està organizant ua remassada de materiaus entàs refugiats de Lesbos pendent es dies 1 e 15 de mai. Es encargades d’aguest acte son Marta Alvarez e Montse Palà, que dejà organizèren un mercat solidari er ostiu passat.

Pendent aguesti 15 dies se remassaràn tot tipe de materiaus ena sala d'Exposicions de Vielha de 4 a 7 dera tarde.

Un còp finalizadi es dies dera remassada, era ONG Ovejas Negras s’encargarà de pujar a cercar toti es materiaus e baishar-les a Lhèida, a on les remassarà era ONG SOS Refugiados e mejançant un conveni solidari damb SEUR ac enviarà tot as camps de refugiats de Lesbos.

Se tracte d’ua ajuda qu’individuaument non mos còste guaire, mès que pòt ajudar a milhorar era situacion tan dura pera que passen aguestes persones.