Regulacion ath miei naturau
Valarties, Aiguamòg, Artiga de Lin, Bassa d'Oles, Bassa d'Arres seràn part des emplaçaments reguladi
Eth govèrn d’Aran regularà es accessi as entorns mès visitadi a nivèu de miei naturau dera Val d’Aran coma hè dejà des der an 2021 damb eth prètzhèt d’evitar massificacions enes lòcs de major interès.
Es endrets reguladi seràn es de Varradòs, Artiga de Lin, Bassa d’Oles, Bassa d’Arres, Aiguamòg e Valarties. En aguest sens, se poiràn hèr resèrves on-line a trauès dera paltaforma web AparcAran o dera madeisha App toristica GuidAran que facilitaràn informacion a temps reau sus en quin estat se trapen aguesti accessi.
Aguesta accion respon a un ahèr de seguretat ciutadana e entà mantier aguesti emplaçaments mèns massificats entà aumentar era sostenibilitat ena zòna.
Aguesti accessi seràn reguladi entre es mesi de junhsèga e seteme.
Eth Conselh Generau d’Aran auie era intencion de regular económicament aguesti emplaçaments entà qu’es persones non empadronades en Aran auessen de pagar 5 èuros entà accedir ad aguesti lòcs, mès tot hè indicar que de cara ad aguesta sason tanpòc s’harà.
