Prumèra edicion dera Infinite Race Val d'Aran - Backyard Ultra
Es BackYard Ultres an un denominador comun que son un circuit de 6,7 quilomètres enes qu’es corredors auràn de completar aqueth recorregut en ua ora coma maximom. Quan finalize era ora, se torne a gésser e atau enquia que sonque manque un competidor.
Era Val d’Aran viuerà a compdar dera setmana que ven ua pròva esportiua de format nauedós jamès abans vista en territòri: se tracte d’ua competicion de trail-running nomentada Infinte Race Val d’Aran, BackYard Ultra.
Es BackYard Ultres an un denominador comun que son un circuit de 6,7 quilomètres enes qu’es corredors auràn de completar aqueth recorregut en ua ora coma maximom. Quan finalize era ora, se torne a gésser e atau enquia que sonque manque un competidor. En d’autes zònes s’a arribat a córrer pendent mès de 30 ores en tot superar es 200 quilomètres, totun era dera Val d’Aran serà mès exigenta pr’amor que compde damb un desnivèu de 230 mètres positius.
Ua iniciativa qu’a vengut per part de joeni esportistes d’Aran e qu’a compdat damb era collaboracion der Ajuntament de Naut Aran.
Es inscripcions encara son dubèrtes de forma on-line enquiath dia abans dera corsa e tanben se poiràn inscríuer de forma presenciau enes darrères ores en Naut Aran.
