Prumèra amassada deth Conselh de Politica Lingüistica der Occitan-Aranés
18/12/2021
Aguest maitin, era sindica d'Aran, Maria Vergés, a presidit era prumèra amassada telematica deth Conselh de Politica Linguistica der Occitan-Aranés entre eth Conselh Generau d'Aran e era Generalitat de Catalunya, ena qu'a participat tanben eth conselhèr de Governacion, Amador Marqués.
Pendent aguesta amassada, era sindica a expausat eth besonh qu'a eth govèrn aranés de liderar es accions en matèria de politica lingüistica, atau coma de dispausar d'un major finançament entath manteniment e promocion dera lengua e compdar damb ua coordinacion mès floïda damb eth departament de Cultura dera Generalitat.
Pendent aguesta jornada, qu'a compdat damb un bon ambient de trabalh, s'a presentat tanben eth prètzhèt amiat a tèrme enquiara per part deth Conselh Consultatiu der Aranés.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga