Pròves de nivèu tàs classes d'anglés dera EOI!

Era Escòla Oficiau d’Idiòmes (EOI) dejà a realizat es sues pròves de nivèu en Vielha entà accedir as sues classes d’anglés.

Ua aufèrta fòrça interessant entà toti aqueri que siguen interessats en aquerir mès coneishements d’aguest idiòma e obtier un certificat de nivèu B2 en tot superar cincau.

Çò de mès destacable d’aguesta formacion ei era sua metodologia, basada en apréner de forma divertida e participatiua.

Entà aqueri que non auessen realizat era prematricula o non agen podut anar as pròves de nivèu, era EOI aufrís ua darrèra oportunitat entà apuntar-se as classes d’anglés.

Aguesta ei ua experiéncia que es ex alumnes recomanen fòrça, degut ara metodologia e era obtencion deth certificat oficiau.

Aguestes classes s’impartiràn es dimars e dimèrcles 4:15 a 6:30 entàs alumnes de quatau e de 6:30 a 8:45 tàs de cincau. Ua oportunitat d’apréner e conéisher gent que non vos podetz pèrder!