Pròplèu dubertura de preinscripcions tath PFI-Plan de Transicion ath Trebalh dera Val d'Aran

Entre es dies 14 e 25 de mai se poiràn realizar es preinscripcions entath PFI-Plan de Transicion ath Trebalh dera Val d'Aran, un programa adreçat as joeni d'entre 16 e 21 ansque non an eth títol de graduat escolar, mès qu'an era volontat de formar-se en bèra profession, entrar en mon laborau o aumentar es possibilitats de contunhar era formacion professionau damb un grad mejan. 

S’aufrís formacion professionau en encastre deth comèrç, atencion ath client, empaquetat, magasèm, ofimatica e tecniques administratiues basiques, entre d’auti, entà qu'es joeni poguen aplicà'c e contunhar en tot apréner a trauès des practiques ena enterpresa.

Ath delà d’aguesta formacion, es gojats e gojates an era oportunitat de meter-se ath dia damb contenguts basics coma es matematiques, es lengües e era coneishença der entorn, que les permeteràn obtier facilitats entà aprovar era pròva d’accès a Cicles Formatius de Grad Mejan, en cas de voler contunhar era formacion professionau.

Entà obtier mès informacion e formalizar es preinscripcions sonque cau meter-se en contacte damb era Escòla d'Ostalaria de Les Val d'Aran o picar ath telefòn 973 64 72 42 e demanar peth Tutor de PTT.