Projeccion solidària entàs refugiats ena sala Era Audiovisuau

Eth pròplèu dijaus, dia 30 de març tàs 22:00 ores, se projectarà ena sala Era Audiovisuau de Vielha eth film "Nacido en Siria" de Hernán Zin.

Eth prètz dera entrada serà de 5 euròs e era recaptacion anarà destinada integralaments entà ajudar as persones plaçades enes camps de refugiats de Grècia.

Er eveniment a estat organizat peth grop Ribagòrça Accion Solidària en collaboracion damb er Ajuntament de Vielha e Mijaran, aguest ei dejà eth dusau còp qu'era Val d'Aran collabòre damb aguest grop solidari aguest mes. Rebrembam qu'eth prumèr viatge siguec damb era remassada de materiaus entàs refugiatsque portèren a tèrme es alumnes dera Escòla Ruda de Salardú a principis de mes.