Presentacion equipes dera Copa deth Mon d'Esquí de Montanha

Pendent aguesta tarde a agut lòc en Vielha era presentacion dera Copa deth Mon d’Esqui de Montanha qu’a lòc en Beret pendent es dies 8 e 9 d’abriu. Ua competicion plan importanta qu’a a Vielha e Mijaran mès ath conjunt dera Val d’Aran coma scenari dera pròva. Ena presentacion an estat presents es desparières equipes e es federacions internacionaus que hèn part pendent aguesta dimenjada dera competicion.

Dissabte a lòc era pròva individuau e dimenge era verticau, damb era pujada a pics coma Baciver, Pas dera Herradura o eth Dossau, en tot èster eth Plan de Beret eth lòc dera gessuda e arribada dera corsa.

Aguesta pròva mèrque era fin dera Copa deth Mon d’aguesta modalitat a on un lèu dus cents d’esportistes competiràn entà sajar d’arténher ua victòria en ua hita plan importanta, pr’amor que place era Val d’Aran en mapa internacionau deth Skimo, en tot auer a participaires de desparières parts deth mon.