AUE TV
    1. AUE TV

    Presentacion deth projècte der Hilat de Musèus des tèrres de Lhèida e Aran tath "DIM"

    16/05/2018

    CULTURA
    Vilac

    Jos eth lèma "Musèus hiperconnectats: naui enfocaments, naui publics", er Hilat de Musèus des tèrres de Lhèida e Aran a presentat ena glèisa de Vilac eth projècte qu'a organizat damb motiu deth pròplèu dia internacionau des Musèus, eth 18 de mai.

    Ua des nauetats dera campanha promocionau deth Dia Internacionau des Musèus ei un jòc virtuau, adreçat as usatgèrs des hilats sociaus des onze musèus jos eth hashtag #DIMisteri2018. Atau, cada musèu a publicat messatges enes hilats "en tot informar" sus era aparicion enes sues sales d'ua "pèça misteriosa".

    S'i an organizat ua cinquantia d'activitats en toti 11 musèus que conformen er Hilat: Conferéncies, exposicions, talhèrs, tasti de vins o visites guidades son bères des activitats que se desvoloparàn.

    Ua iniciatiua que manifèste era volontat des musèus entà innovar, daurir eth ventalh d'activitats e convidar a toti es publics a descorbir eth gran valor, a viatges amagat, d’aguestes bastisses qu'alberguen tanti tresaurs: es musèus.
    Laura Rodríguez
    Tornar