Presentacion dera Xau edicion deth 30 ores de fotbòl sala

Dejà a agut lòc era presentacion dera naua edicion deth 30 ores, eth torneig de fotbòl sala mès prestigiós dera Val d’Aran, qu’enguan se celebrarà era dimenjada deth 17 e 18 de junh.

Enguan, eth 30 ores a artenhut arribar as 20 equipes inscrites, eth maxim que, per format, pòden jogar. Ei eth prumèr an en que mès d’ua equipa s’a agut de quedar dehòra deth torneig perque ja s’auie arribat ath limit d’inscripcions.

Tant ei er èxit d’aguest eveniment esportiu que s’està plantejant incrementar es ores deth torneig entàs pròplèus edicions.

Coma principau collaborador, er Ajuntament de Vielha e Mijaran a mostrat era sua satisfaccion damb eth creishement d’aguesta competicion.

Mès enlà dera gran reputacion esportiua que supòse aguest torneig, eth sòn impacte economic ei tanben fòrça important entà Vielha, ja que, segontes era societat organizadora, cada un des 3.000 euròs aportats per Ajuntament municipau, supòsen 10 euròs de benefici tath pòble.