Presentacion dera naua revista Garona-Nogueres
23/05/2021
Aguest nau miejan preten mantier viu eth patrimòni e era cultura oraus dera Val d'Aran e des comarques vesies
Aguest dissabte 22 de mai, era glèisa de Mijaran acuelhec era presentacion dera naua revista "Garona-Nogueres". Un nau miejan de comunicacion q'a coma objectiu mantier viu eth patrimòni e era cultura deth Pirenèu, dera man des testimònis des sòns ciutadans.
Garona-Nogueres ei ua revista d'ua tirada apuprètz de 2000 exemplars, damb periodicitat semestrau, a on i aurà tot tipe d'articles e entrevistes sus es comarques dera Val d'Aran, Pallars Sobirà, Pallars Jussà e Alta Ribagorça.Ena madeisha revista, es lectors poiràn liéger era revista Cadí-Pedraforca, qu'ei era que ja i ère en carrèr des de hè fòrça ans.
En cas dera Val d'Aran, en aguest prumèr numerò, podem trapar entre d'auti ahèrs: ua entrevista a Tòn Leja, pera sua passion pera elaboracion des paèrs, un reportatge sus era Associacion Hemnes de Les, qu'enguan celèbre eth sòn 10au aniversari, o un tèxt dera tecnica de patrimòni deth Conselh Generau d'Aran, Elisa Ros, sus era istòria deth Santuari dera Mair de Diu de Mijaran.
Ar acte , i assistic era conselhèra de coneishement dera Val d'Aran, Angelina Cases e eth editor dera editoriau Gavarres, Àngel Madrià.
HÒNT: AUÉ
Garona-Nogueres ei ua revista d'ua tirada apuprètz de 2000 exemplars, damb periodicitat semestrau, a on i aurà tot tipe d'articles e entrevistes sus es comarques dera Val d'Aran, Pallars Sobirà, Pallars Jussà e Alta Ribagorça.Ena madeisha revista, es lectors poiràn liéger era revista Cadí-Pedraforca, qu'ei era que ja i ère en carrèr des de hè fòrça ans.
En cas dera Val d'Aran, en aguest prumèr numerò, podem trapar entre d'auti ahèrs: ua entrevista a Tòn Leja, pera sua passion pera elaboracion des paèrs, un reportatge sus era Associacion Hemnes de Les, qu'enguan celèbre eth sòn 10au aniversari, o un tèxt dera tecnica de patrimòni deth Conselh Generau d'Aran, Elisa Ros, sus era istòria deth Santuari dera Mair de Diu de Mijaran.
Ar acte , i assistic era conselhèra de coneishement dera Val d'Aran, Angelina Cases e eth editor dera editoriau Gavarres, Àngel Madrià.
HÒNT: AUÉ
Manu Moga