Preocupacion per part dera oposicion en Vielha e Mijaran pera viuenda

Fòrta preocupacion per part dera oposicion en Ajuntament de Vielha e Mijaran pera situacion dera viuenda en territòri en generau, mès damb especiau enfasi en municipi, a on s’a detectat era manca d’abitatges entà qu’es joeni e persones que s’apròpen ara Val entà residir o trabalhar non trapen cap d’emplaçament entà crompar e es prètzi de loguèrs son en fòrça escadences desorbitadi.

Aguest planh tanben ei remassat pera equipa de govèrn deth consistòri deth cap-lòc deth  país qu’explique que trabalhen ena milhor solucion tà revertir aguesta situacion.

Es sasons d’ostieu e sustot d’iuèrn especiaument son des moments mès complèxi tà trapar ua viuenda a un prètz rasonable a nivèu de loguèr e era aufèrta de crompa fòrça baisha aué dia e tanben damb uns prètzi superiors a çò qu’establís eth mercat.