Prenuda de contacte en prumèr Conselh de Bailes dera legislatura

Prenuda de contacte en prumèr conselh de bailes d’Aran dempús dera constitucion des naues organizacions municipaus. Ua amassada qu’a virat vèrs 4 ahèrs de maximala importància.

Un d'eri a estat sométer era possibilitat qu'eth govèrn d'Aran pogue acorropar tecnicians d'Urbanisme entà aufrir un servici que beneficiari es consistòris municipaus.

Eth projècte dera biomassa tanben a estat present ena amassada. Damb er objectiu de lutar contra eth cambi climatic e ath madeish temps melhorar era economia des Ajuntaments. Se preve començar era installacion de caudères de biomassa es espacis publics coma er espitau e escòles.

Non podie mancar tanpòc ua des matèries pendentes ena Val d'Aran: eth servici de recuelhuda de lordères.

Aguesta reünion de bailes aranesi a abordat tanben er ahèr dera implementacion de servicis d'assisténcia tecnica informatica enes Ajuntaments des municipis aranesi.