Possible prumèr atac d’os a un vedèth en Tredòs
06/04/2022
En tot seguir es protocòls establidi, es rèstes der animau s’an enviat a analizar entà confirmar era causa dera mòrt e, en cas de confirmar-se qu’a estat pr’amor d’un atac d’os, eth Conselh Generau d’Aran indemnizarà ath ramadèr afectat
Eth Conselh Generau d’Aran a recebut era denoncia d’un ramadèr d’un possible atac d’os a un vedèth qu’aurie auut lòc en Tredòs era passada net.
S’an remassat mòstres der animau entà amiar a tèrme es pròves corresponents e poder confirmar s’era causa dera mòrt a estat un atac d’os.
De provar-se qu’era causa dera mòrt age estat er os, eth departament de Territòri, Paisatge e Miei Ambient se harà cargue dera compensacion ath ramadèr afectat entà cobrir era pèrta deth cap de bestiar.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga