Pompièrs e Emergéncies d'Aran desvolòpen es Màsters d’Atencion Pre-espitalària e Espitalària Urgenta
22/04/2017
Aguesta formacion s'a organizat damb amassa damb es Universitats de Barcelona e Lhèida
SOCIETAT
Des deth passat dimèrcles dia 19 e enquia eth pròplèu diuendres 28 d'abriu auran lòc ena Val d'Aran es activitats des Mastèrs d’Atencion Pre-espitalària e Espitalària Urgenta, corresponentes ath modul d’AMV (Atencion damb Multiples Victimes) e Atencion de Montanha ena Val d’Aran.
Aguesti Màsters estan organizadi peth Conselh Generau d’Aran, en collaboracion damb era Universitat de Barcelona, era Universitat de Lhèida, Pompièrs e Emergéncies d’Aran e er Institut de Formacion Continuada de Catalonha. Ath delà aguestes activitats compden tanben damb era collaboracion deth Servici Aranés de Benèster e Salut (SABS) e dera enterpresa TAF Elicoptèrs-Group Habbok.
Des deth sòn començament e enquia aué madeish an agut lòc es activitats deth Mastèr d’Atencion Pre-espitalària e Espitalària Urgenta-MAPHU, dirigides per Javier Colina, professor titular d’Infermieria dera UB, e Fran Cardeñes, director tecnic de TESVA. Ath delà a estat coordinat per Juanmi Riu, Àlex Orna, Xavier Bernárdez e Fran Tébar. Er objectiu d'aguesta part dera formacion ei coordinar eth trabalh deth personau sanitari damb eth personau d’emergéncies, entà méter en situacion es accions d’uns e d'auti.
Entre es dies 25 e 28 d’abriu, se realizarà eth Mastèr d’Atencion ath Malaut en Urgéncies o Emergéncies Pre-espitalàries, organizat peth Conselh Generau d’Aran e Pompièrs e Emergéncies d’Aran, en collaboracion damb era Universitat de Lhèida. Aguest Mastèr serà dirigit per Joan Blanco Blanco e Fran Cardeñes, damb era coordinacion d’Elena Castro, David Moreno e Àlex Orna, e en eth se tractarà era atencion sanitària deuant d’un adult damb simptomatologia traumatica e era atencion integrau enes accidents damb victimes.
Ath delà, es Pompièrs d’Aran haràn ua demostracion deth montatge e foncionament en temps reau dera Unitat Medicau Auançada d’assisténcia en accidents damb multiples victimes (PMA).
Aguesta ei ua formacion plan importanta e que compde damb ua valoracion fòrça positiua en tota Catalonha, ja que mès deth 60% deth personau d’infermieria deth Sistèma d’Emergéncies Medicaus dera Generalitat de Catalonha (SEM) an passat peth Mastèr d’Atencion Pre-espitalària e Espitalària Urgenta pendent toti aguesti ans.
IMATGES: CONSELH GENERAU D'ARAN
Aguesti Màsters estan organizadi peth Conselh Generau d’Aran, en collaboracion damb era Universitat de Barcelona, era Universitat de Lhèida, Pompièrs e Emergéncies d’Aran e er Institut de Formacion Continuada de Catalonha. Ath delà aguestes activitats compden tanben damb era collaboracion deth Servici Aranés de Benèster e Salut (SABS) e dera enterpresa TAF Elicoptèrs-Group Habbok.
Des deth sòn començament e enquia aué madeish an agut lòc es activitats deth Mastèr d’Atencion Pre-espitalària e Espitalària Urgenta-MAPHU, dirigides per Javier Colina, professor titular d’Infermieria dera UB, e Fran Cardeñes, director tecnic de TESVA. Ath delà a estat coordinat per Juanmi Riu, Àlex Orna, Xavier Bernárdez e Fran Tébar. Er objectiu d'aguesta part dera formacion ei coordinar eth trabalh deth personau sanitari damb eth personau d’emergéncies, entà méter en situacion es accions d’uns e d'auti.
Entre es dies 25 e 28 d’abriu, se realizarà eth Mastèr d’Atencion ath Malaut en Urgéncies o Emergéncies Pre-espitalàries, organizat peth Conselh Generau d’Aran e Pompièrs e Emergéncies d’Aran, en collaboracion damb era Universitat de Lhèida. Aguest Mastèr serà dirigit per Joan Blanco Blanco e Fran Cardeñes, damb era coordinacion d’Elena Castro, David Moreno e Àlex Orna, e en eth se tractarà era atencion sanitària deuant d’un adult damb simptomatologia traumatica e era atencion integrau enes accidents damb victimes.
Ath delà, es Pompièrs d’Aran haràn ua demostracion deth montatge e foncionament en temps reau dera Unitat Medicau Auançada d’assisténcia en accidents damb multiples victimes (PMA).
Aguesta ei ua formacion plan importanta e que compde damb ua valoracion fòrça positiua en tota Catalonha, ja que mès deth 60% deth personau d’infermieria deth Sistèma d’Emergéncies Medicaus dera Generalitat de Catalonha (SEM) an passat peth Mastèr d’Atencion Pre-espitalària e Espitalària Urgenta pendent toti aguesti ans.
IMATGES: CONSELH GENERAU D'ARAN
Clara Villar