"Petit País": era naua colleccion de condes en aranés

Pendent era passada jornada de Sant Jordi, se presentèc ena sedença deth Conselh Generau d'Aran era naua colleccion de condes en aranés dirigida ara mainadèra: "Petit País".

Aguesta colleccion a estat elaborada pera comunitat educatiua des escòles dera Val d’Aran amassa damb eth Departament de Cultura e Politica Lingüistica deth Conselh. 

Se tracte d'uns libres qu'an neishut entà crear, elaborar e adaptar materiau didactic e produccions literàries en aranés entà mainatges e mainades d’ensenhament preelementari e de cicle iniciau.

Era colleccion "Petit País" va adreçada a mainatges e mainades de P-5, prumèr e dusau de primària, e està formada pes condes: : Era Hèira, Era Net de Sant Joan, Desir d’Aran, Mistèri ena escòla, Era Hèsta de Magràs, Es Crespèths, Era Legenda de Sant Jordi e Era Castanhèra.

Es autores d'aguesti 8 títols an estat Maria Lluisa Roig, Mireia Fabregat, Esther Palomar, Sira Ortiz, Sandra López, Mari Carmen Forment, Maite Bayo e Susana Vidal, e es encarregadi des illustracions an estat Carme Tamarit, Alberto Pallarés, Eli Moga, Montse Español, Kristina Nart, Carme Tamarit e José Fenoy.

IMATGE: CONSELH GENERAU D'ARAN